فلاحیتي

مجموعة من أبيات الدارمي للشاعر الراحل الملافاضل السکراني :


يا مرحبا بها ال  جاي  و  اهلا"   بال يجون
إلهم  لأحط   فراش       بصبي    العيون !

لاگاني جاري و گال :" وصلوا لک ضیوف "
گت له:" الهم اغدي غلام خل عينك تشوف"

نشمي السلف  للضيف   تضحك    گهوته !
و الدوني ، كل الناس    تتمنى  موته !

عوف  الغبر   لا  تصير   جاره   و    رفيجه
و لا تسير  ، ابد ،   وياه ، شوك  بطريجه !

كل       الشرف    نلناه     بال    شرفونا
فززهم النا الشوگ   ، غبشه ، و    إجونا !

للصاحب تعنيت ، غبشه ، عْلى ريجي !
أمشي و محبته وياي  تمشي   بطريجي !

يا هو انتخى و من صاح  لأهل   الجبيله
:" حمل المچارم طاح ما احد یشیله؟! " ؟!

روحي  ال  كتلها   الشوگ   ظلت    بأذاها
ما ظلت الها ام طوگ ،  باشگ    ، خذاها !

ما شع گمر دنیاي و ادري اش   لفى له
چي   گمر  وجه   هواي    شع    بجماله !

يا ابن السلف ، عزام ، ها اليوم ، الك  جيت
بيك ، الفرح ، يزداد ، و يشع   ضوا البيت !

گالوا :" شجاع  ، فلان   ، طبر عضیده ! "!
گلت :" المثل معروف:( گص ايده بإيده!)"

كل شي غلا بها السوگ حتی  البهیمه !
شو بس بگی الإنسان  ما عنده   قيمه !

ش الي بأخو ال، ما يوم، فرج لي ضيجي !
بين     صديج   عداي   ما هو    صديجي !

زوره بطريج   هواي ، مخطور ،   امرها !
و لو أدري بيها سباع ، ها اليوم ، اطرها !

ل اطباعه ، بين الناس ،  غبرا    و   كريهه
ظلما ، المحله  تصير  من يمشي     بيها !

حالات الك ،  يا فلان  ، واجد   ،   عجيبه :
جارك  ال  مثلك  شين ، هم ،   تستغيبه !

چلمة المفلس ، لأي ش   ما هي   صحيحه
و چلمة ال عنده فلوس حلوه و فصيحه  ؟!

عيد الفطر ، يا ناس ، ما احسبه    عيدي !
عيدي  من  اكظن  إيد  محبوبي    بإيدي !

لا تصاحب   الغدار    ،   ما عنده      غيره
أبيض ، حچي ال يحچیه و اسود ، ضميره !

جاري ال گصدته  بخیر ، بالشر ،  رماني !
سهم ال وگع  بچلاي ، من گوسه ، جاني !

ظليت اشك ، يا ناس ، حتى  بشجيجي !
غشني الصديج ال گال:"ما اغش صديجي"!

ها ال أمره بإيد " ام عيد " ما بإيده ،  أمره
ما يسوى  نتعناه  ، طمره  ال  تطمره !

( الملا فاضل السكراني )



المدون فلاحيتي

"طَهارةُ الروح"

امیر صاحب توکلي
جاءوا بي يَتَقاذَفونَني بَينَهم


وَيَشتُمونَني وَ يَنعَتونَني بأَشنَعِ العِباراتِ

وَ روحي مَصدرُ الطُهْرِ وَ إنْ کانت
ثيابي رثة ً قَذِرَةً

أنا الطاهِرَةُ المُطَهَّرَةُ!

کانَ "يهوذا " يَنظُرُ لي شَزراً

نَظراتِ إستِحقارٍ وَ إشمِئزاز ٍ

بعدَما أَنقَذتَني أنتَ مِن بَراثِنِ الموتِ وَ مَخالبِ الذئابِ

إرْتَميتُ وَ دُموعي تَنسَكِبُ عَلَى خَدَّيْيَ و نَعليْكَ

ظَنوا بي وَ بِكَ ظَنَّ السوءِ

فَصاحَ الدِّيكُ !:

خُلِقْتُ کَي أکونَ" مريمَ المَجْدَلِيَّة "، لا أنْ أکونَ "يَهوذا" !

يا قَلبي "يَسوع"!





أمير صاحب توکلي
5فبراير سنة 2016م



المدون فلاحيتي

http://s3.picofile.com/file/8232405850/photo_2016_01_09_10_45_45.jpg

الليل من يعزف موسيقی الشمعة ترگصله ضواها
ترگص الحد ماتموع

اللیل کون اسمه یتغیر لازم انسمیه قتال الشموع

او هیه هاي ضحکت الفاگد عزیز
اقراها تلگاها دموع

او هیه هاي الریح من ینزع عیونه یسافر ابلایه اتجاه

والفقیر البطنه مابیهه عطر ضحکت رغیف ...
ایصلي لجل الخبزه مو لجل اﻹله

الجوع من یمد رگبته بدیره یترسهه کفر

والقصیده الخالیه من الخبزه مابیه شعر

او مدري لیش الدنیا من تتنسه شاعر باچر تخلف فقر ..!!

( سيد حكيم الشبري )



المدون فلاحيتي


. . . " لو تدري ... ! " . . .


چم وطن عندک بالوطن !
لو تدري ما عفت الوطن !
أمك وطن !
محبوبة اشواگک وطن !
إختك أخوك
و ه(ا)ذ ابوك ايضا" وطن !
چم وطن عندک بالوطن !
کل نهر من ه(ا)ذا الوطن
كل درب من ه(ا)ذا الوطن
كل زرع من ه(ا)ذا الوطن
كل بيت من ه(ا)ذا الوطن
لأجلك وطن !
ما تلگی(ا) أصدق من صداقات الوطن !
ما تلگی(ا) أجمل من عصافير الوطن !
ما تلگی(ا) أعمق من مواويل الوطن !
ما تلگی(ا) أفضل من جراحات الوطن !
ضيم الوطن
( آه ) الوطن
( أحاه ) ترفات الوطن !
كلهن اوطانك بالوطن !
چم وطن عندك بالوطن !
لو تدري ما عفت الوطن !


( عادل السكراني )
30 / 1 سنة 2016 الميلادية .



المدون فلاحيتي

ماني ساكت

http://s6.picofile.com/file/8224972226/photo_2015_11_27_10_22_45.jpg


لكن احياناً أتيه ابنص صفنتي
و تسكت الچلمات بيّه

و شنهو أگول ؟
الليل لو غابن صواني شموعه
يحرگ كل سواد اعيونه
لكن مايگول ..

الگمر فاتر ..
الگاع ما تحرگ أهلها..
تشرب الناس
و تخضّرهم دفاتر

يبقىٰ بس الطين
و اسوالف الحنطه
و تبقىٰ صفناتي بيادر

و انا ابقىٰ وياك كلمه
تستحي اترجف الشفايف
و ما اگول اشگد أحبك !


#هادي_السالمي



المدون فلاحيتي

" دمعه كلها جروح "


باگوني جگاره
وعملاني الليل
إشربوني
و ماگلت لحَّد

ابصحّة مَدري ياهو
ايشيل روحه الكاس
إسكروا بينه
و گلت محَّد

ظفرت الهم  قصيدة
امن الگطن والياس  
و أنا ابكل شعره
من رمشي
الحِسَچ يمتَد..
 
الشوارع حافيه
و رٱبي بحضنها  الآه
أصد يا عين عنها
و يا جفن ينسَد ؟

توگّيت بثواني
ال ما جمعهن ميل
و شلت ساعات عمري
ال ما چساهن عَد ..

تتن محروگ اطيحن
وانتچي اعلى الريح
هوه ال يكتل  شمع
 هم بي ظهر ينشَد !؟
 
بگن بالروح طعنه
و دمعه كلها جروح
تخر أنفاسها الدمعه
و نكرها الخَد ..

بدر_نصاري



المدون فلاحيتي

ادورك وین ؟؟

ما وچد طریقي و لیلي صار اگصیر
ادورك  وین

یا ماي الشلب للروح
یا سکرة خمر وسوالف العشاگ
اشوفك  وین اتعناك

یمکسّر عبرتي  ابصدري وین الگاك
و أسکت عود و أسمع تحچي بیك الدور

من گد ما اشم ریحة قمیصك زعل مني و غندب الکنتور

یالما جیت
درب البیت ظل ینعاك
رادك بس تمره
 اتردله واهس لیل

غفه اتراب الدرب لن جدمك اتأخر
یا طبلة عرس یعزفها حافر خیل
یمظفر تعال اعیوني صارت ریل

شیّبت الحچي و طرّگت وجه اللیل
اریدك شبگه وشفافك تراچي اتلاعب الذانات

اشکثر تانیت وعیوني أعله دربك لسه مزروعات

ادورك وین ...

تهت بفکار وصلك وغرگت بتراب
یالماجیت ...

و صبغ الحنه من چفي لزگ علباب
تعبت سبحة امي یا ذکر ماجیت
گضیت الیوم
اسبح بسمك الفاضل
وکل خرزه ابألف یاریت

وصل وکت الصلاة ...
ابگلبي منایر اذنت للشوگ
لاتعشگ قضی ..
مو تنطلب لله
کفارة عشگنه اسنین کون اتصوم


 ( عباس الکوتي )




المدون فلاحيتي


" هيکل سراب "



ﭼﻨﺖ ﻏﺮﮔﺎﻥ ﻭنخيتك
ﻭ ﺍفزعتلي  ﻏﯿﻤﻪ ﺳﻤﺮﻩ
ﺷﺎﺭﺑﻪ ﺑﺤﻮﺭ ﺍﻟﻌﺬﺍﺏ

ﻭﺳﺒﻠﺘﻬﻦ ﻓﻮﮒ ﺭﺍسي
ﮔﻄﺮﻩ ﮔﻄﺮﻩ
ﮔﻄﺮﺓ ﺍﻟﻤﺎي ﺑﻮﺟﻪ ﻏﺮﮔﺎﻥ ﺳﻄﺮﻩ
ﺍﻣﺲ ﻋﻄﺸﺎﻥ ﻭﺣﭽﯿﺘﮏ
ﺟﯿﺘﻨﯽ ﻫﯿﮑﻞ ﺳﺮﺍﺏ ﺑﭽﻔﻪ ﺟﻤﺮﻩ
ﺍﻟﻤﺎﻫﯿّﺲ ﻃﻌﻨﺔ ﺍﻷﻭﻟﯽ
ﺍﻟﺬﻧﺐ ﺑﺤﺮﻭﺭﺓ ﺻﻮﺍﺑﻪ
ﻭﺍﻋﺪﺗﻨﯽ ﺗﺠﯿﺐ ﻭﺻﻠﻪ ﻣﻦ ﺍﻟﺸﻤﺲ
ﻭﺍﻋﺪﺗﻨﯽ ﺟﺮﻭﺣﮏ ﯾﺼﯿﺮﻥ ﺍﻣﺲ
ﻭ ﻭﺍﻋﺪﺗﻨﯽ ﺍﻟﻬﻤﺴﻪ ﺗﺘﺒﺪﻝ ﻋﺮﺱ
ﻭﺍﻋﺪﺗﻨﯽ ﺍﻟﺠﺮﺑﻪ ﻣﻤﻠﯿﻪ ﺗﻌﻮﺩ
ﻭﺍﻟﺴﻬﻢ ﺗﻌﻤﯽ ﺍﻋﯿﻮﻧﻪ
ﻭﻣﺎﯾﻄﺶ ﻋﻤﺮ ﺍﻟﻮﺭﻭﻭﺩ
ﻭﻋﺎﻟﺤﭽﯽ ﺍﻟﺒﯿﻨﺎﺗﻨﻪ ﺍﻟﻌﺒﺎﺱ ﺷﺎﻫﺪ
ﻭﺗﻌﺮﻑ ﺍﻟﻌﺒﺎﺱ ﯾﻬﺘﻢ ﺑﺎﻟﻮﻋﻮﻭﺩ
ﻭﺍﻋﺪﺗﻨﯽ
ﻭﺍﻋﺪﺗﻨﯽ
ﻭ ﻭﺍﻋﺪﺗﻨﯽ
ﮔﺘﻠﯽ ﺍﻃﻠﻌﻠﮏ ﺍﻫﻼﻝ
ﻭﻟﺒﺲ ﺧﻠﮕﯽ ﺛﻮﺏ ﻧﺠﻤﻪ
ﻭ ﺭﺣﺖ ﺍﺩﻭﺭ ﺑﺎﻟﺴﻤﻪ
ﻭﺻﯿّﺤﻦ ﺑﯿﺾ ﺍﻟﻨﻮﺍﯾﻪ
ﺍﻟﻌﯿﺪ ﺫﺍﮎ
ﺍﻟﻌﯿﺪ ﺫﺍﮎ
ﻧﺎﯾﻢ ﺑﺨﺪ ﺍﻟﺒﺪﺭ
ﺍﻧﺘﻈﺮﺗﮏ
ﻭﻧﺘﻈﺮﺗﮏ
ﺗﺎﻟﯽ ﺍﻫﻼﻟﮏ ﺑﺰﻍ ﺣﺪﺭ ﺍﻟﻀﻔﺮ
ﺍﻧﻄﯿﺘﮏ ﺁﻣﺎﻟﯽ ﺟﺒﻞ ﻧﺎﻣﻦ ﺷﺒﺮ
ﻭﻣﻦ ﻋﺼﻒ ﺭﯾﺢ ﺍﻟﻤﺨﺎﻃﺮ
ﻭﮔﻔّﺖ ﻋﻤﺮﯼ ﺍﻟﮏ ﺳﺎﺗﺮ
ﻭﺭﻩ ﺟﺮﺣﯽ ﺍﻟﺒﺪﺕ ﻋﻦ ﻻﺗﻨﺠﺮﺡ
ﻭﻓﺰﻋﺖ ﺩﻣﯽ ﺍﻟﮏ ﺳﯿﻒ ﻭﺭﻣﺢ
ﻭﺑﻈﻬﺮ ﺟﺮﺣﯽ ﻟﮕﯿﺘﮏ ﮐﺎﺗﺐ ﺑﺨﻨﺠﺮ ﻣﻠﺢ
ﺍﻧﺎ ﺍﻟﺴﻌﮏ ﻣﺎ ﺍﺑﻮﺳﮏ
ﺍﻟﻘﺒﻞ ﺍﻟﻮﺭﺩﻩ ﯾﺒﻮﺱ ﺍﯾﺪ ﺍﻟﻔﻠﺢ
ﯾﺎﻟﮑﺴﺮﺕ ﺍﺟﻨﺎﺡ ﻓﮑﺮﯼ
ﺍﺗﺨﺎﻑ ﯾﺼﻌﺪ ﻟﻠﺴﻄﺢ؟
ﮔﻠﺒﮏ ﺍﻟﺤﻄﺎﺏ ﮔﻠﻪ
ﺍﻟﻨﺨﻠﻪ ﻣﻦ ﺗﮕﺺ ﺟﻨﺤﻬﻪ ﺍﺗﻄﯿﺮ ﺍﻋﻠﻪ
ﺷﻠﻮﻥ ﺍﺛﻘّﻦ ﺑﯿﮏ ﯾﺎﻗﻠﻢ ﺍﻟﺮﺻﺎﺹ
ﻭﻧﺘﻪ ﺍﻟﺒﺮﺍﺳﮏ ﺗﺨﻄﻪ
ﺑﺠﺪﻣﮏ ﺍﻟﻤﺤﺎﯾﻪ ﺧﻄﮏ ﯾﻨﻤﺴﺢ
ﻭﺇﺣﻔﻈﺖ ﺍﻗﻨﻌﺔ ﻭﺟﻬﮏ
ﮐﺜﺮ ﻣﺎ ﻣﺮﻏﻠﺖ ﺑﺎﻟﯽ
ﻭﮔﻤﺖ ﺍﻗﺮﻩ ﺍﻟﻤﺎﻭﺭﺍﻫﻪ ﻭﻣﺎﺑﻌﺪﻫﻪ
ﻣﻦ ﺷﻔﺖ ﺑﻐﺼﺎﻥ ﺭﻭﺣﯽ
ﺭﺟﻌﺖ ﺍﺗﺒﯿﺾ ﺍﻟﺤﻤﺎﻣﻪ
ﮔﺎﻣﺖ ﺍﺗﻐﻨﯽ ﺍﻟﻤﻬﺪﻫﻪ
ﻭﺻﺎﺭﺕ ﺍﺗﻠﻮﻟﯽ ﺍﻟﻮﻟﺪﻫﻪ
ﺭﺩﺕ ﺗﮑﺴﺮﻫﻦ ﺭﺑﺢ
ﺟﯿﺘﻨﯽ ﺑﻘﻨﺎﻉ ﺩﻣﻌﮏ
ﻣﺎﺩ ﭼﻔﮏ ﺍﻟﯽ ...
ﻣﻨﺸﺎﺭﺓ ﺻﻠﺢ
ﺷﯿﻞ ﺩﻣﻌﺎﺗﮏ ﻭﺭﻭﺡ
ﺑﻌﺪ ﻣﺘﻐﺶ ﺍﻟﺠﺮﻭﺡ
ﺍﻟﺪﻣﻌﻪ ﻣﺸﺒﻮﻫﻪ
ﻭﻻﻣﻮﻟﻮﺩﻩ ﻣﻦ ﺍﻓﺮﺍﺵ ﺷﺮﻋﯽ
ﺍﺫﺍ ﻣﺎﺗﻄﻠﻌﻬﻪ ﻣﻦ ﺭﺣﻢ ﺍﻻﺣﺴﺎﺱ
ﺛﮕﻠﺖ ﻟﯿﻠﮏ ﻋﻠﯿﻪ
ﻭﺳﻬﺮّﺕ ﺟﺮﺣﯿﻦ ﺑﯿﻪ
ﺍﻟﻘﻠﻖ ﻭﯾﻪ ﺍﻟﻨﻌﺎﺱ
ﻭﺟﺎﯾﻨﯽ ﻣﻌﺼﺐ ﺍﻋﯿﻮﻧﮏ
ﺍﻧﯽ ﮔﺘﻠﮏ ﺷﺪﻟﯽ ﺭﺍﺱ
ﺍﻧﯽ ﮔﺘﻠﮏ ﺷﺪﻟﯽ


س

( ﻣﺠﯿﺪ ﺍﻟﺨﯿﺎﻁ )



المدون فلاحيتي

. . . " بدوان إحنا ! " . . .


ما الوم    " قيس "      ال   سهره
حب" ليلى(ا)"و بحاله اش جرى(ا)!
ل *       مكحلات           عيونها *
و    اجمل    من     عيون     المها
فكري          بمحاسنها          لها
ب(ن)ت    ريف   سمرا    مضمره
بالعين      تكتل      من     تصد !
بيضة      وجه      سودة       جعد
ضفرت       ضفايرها          بسعد
و    على(ا)   المتون       مشمره
يا     مرحبا     و     مية        هلا
بها   الحسن  و     به(ا)ذا    الحلا
وصفتچ             بریم          الفلا
ال    منها  یخاف    الگسوره ! "!
گلت الها :" و اش ه(ا)ذ الحسن؟!
خلاني         لوصالچ         أحن !
حسنچ     سباني    و   بيه    اجن
خربص    شعوري     و   طشره !
شوگچ      حرگ   چبدي    بجمر !
شبگني        ما  أگدر        أفر !
الله    يا      حسن            السمر
هيج     غرامي      و      سكره !
بالليل       عابدنا        ال   سهر
و     ال  بالصلا    أمره     اشتهر
بعيونچ       الحلوه          انجبر !
عاف      المصلی(ا)   و    کتره !
ربچ      خلگ      حسنچ       بلا !
بهواچ        عابدنا       ابتلی(ا) !
چالبدر       وجهچ      نور      اله
بلوره       الباري      و      نوره
نوره    و    سوا(ه)      چالبدر !
يضوي      شبه    طرة    الفجر !
للخالج        يعود            الشكر
شكرا"    لربنا      ال   صوره " !
گلت      الها   :"   احبن   منظرچ
سبحان       ربنا     ال      صورچ
ارد ادري  و  اعرف    مخبرچ " !
گالت      :" یسرک        مخبره !
عربیه         محمودة        حسب
بدويه           معروفة       نسب
ذكر  اخوتي  ال عزوا       چسب
صیت         بعربنا    و    مفخره
حره و نزیهه  و  ب(ن)ت  شرف
من   بحر  مجدي  العز   غرف !
بيت      اهلي   بالغيره   انعرف
و    بجوده  كل  واحد    درى(ا)
بمضيفنا       ببيت         الشعر
يتعجب    الضيف   ال    حضر !
بدوان     إحنا    و   مو    حضر
گهوة        كرمنا         معطره
من "طي" هلي و حبي ل"علي"
و   المرجله  لگومي   و   هلي
" حاتم "نا    ما  يذبح    طلي !
يعگر     بعیر      و     ینحره "
* بکسر اللام : التي . بفتح العين .

( الملا فاضل السكراني )
سنة 1425 الهجرية القمرية .



المدون فلاحيتي


ثورة الکلمات


http://s1.picofile.com/file/7440448488/%DB%8C%D9%88%D8%B3%D9%81_%D8%A7%D9%84%D8%B3%D8%B1%D8%AE%DB%8C.jpg


لقد جاء المخاض
وحان ولادة القصیدة
أجلس خلف الأوراق
أستحظر الأقلام
فتمنحني نفسها طوعاً
و لکنني عندما أستحظر الکلمات
تعصی الکلمات
أبحث خلفها
لکنها تبتعد رویداً رویداً
حتی تکون کالحسرات
وأثق بأنني
لا زلت أضیٌعها في المتاهات
تأبی الکلمات
أن تکتب فوق الأوراق کالضباب
تأبی الکلمات
أن تکتب بحبر
لیس لدیه رائحة الدم
و لیس لدیه رائحة التراب
تعصی الکلمات
أن تکون لعبة بدل الآهات
تأبی الکلمات
الکتابة فوق أوراق
لم تضاجع الکلمات
و لم تتفهم سر الأبجدیة
و لم تتفهم سر المفردات
و حین لیس هناك من یلبي تلك الطلبات
و لا یهتم بالمطالبات
تثور الکلمات
مناهضةً
مطالبةً
ترید التحرر من بشاعة الأقلام
و الخطابات
تتجمع في الساحات
رافعةً لافتات مکتوب علیها

(الکلمات ترید إسقاط النقاب )
الکلمات ترید الحیاة


( يوسف السرخي )



المدون فلاحيتي

روح ..

http://s6.picofile.com/file/8224972226/photo_2015_11_27_10_22_45.jpg


ليل
الدنيه هم سلهم ضواها
وناعسه الغبشه
و برد ...

انا عد ياكعبه ارتلك
يا ضفيره
البيها شارة مستحاك
انذر ارويحة صفنتي
حتى لعيوني ترد !

أمس انت
باچر ابيا چذبه يا واهس يجي
بيش افزز ساعة التيمت هواك
و هسه وينك ...
ليل
والوادم ضفاير
نايمه
 وگذله
و ورد
          
هادي سالمي (ابو طه)



المدون فلاحيتي

أدعوک لرمال الشاطئ


أدعوک
لاحتساء کوب شاي حار
في مساء بحر الشمال البارد.
هل مازلت تحبني مرتمية
مستلقية علی رمال الشاطئ ؟
أکاد أنسی طعم قهوتکم الجنوبیة
و طعم قبلاتک الجنوبیة
أکاد أنسی تمورکم و ضفافکم الجنوبیة
و عذوق نخیلکم المتدلیة فوق أجنحتها
کم کنتَ مشغوفاً بتلک العذوق؟
.....
هل مازلت تحبني مرتمیة
مستلقية علی رمال الشاطئ ؟
ها أنا ذا إیها المهووس بالعذوق المتدلیة
هيت لک مرتمیة علی ضفاف الفراغ ؟
......
شعر : ميساء احمدیان - 1/5/ 2016



المدون فلاحيتي

 

رگلة قطار العمر
نفضت مواويلي

ما أدري يم يا صبح
يوگف ظعن لیلي ؟

لیغاد فضّو گمر
یا حسرة شلیلي

أسمع مناحه و بچي
 من حنجرة ريليي

شباچي مدري غفه
مدري یلولیلي


حسن عاشور



المدون فلاحيتي

''  آنا و الشبّاچ و اللوحه  ! "

http://s3.picofile.com/file/8216833742/photo_2015_10_12_14_16_51.jpg


أحِل الشبّاچ
أشوف لوحه زيتيه جِدّام اعْيوني !
أغلْگه
وأفتحه يوم الثاني
أشوف مكانها متغيّر
تِتْحَرّك من مكان ال مكان !
لكن آنا و شِبّاچي
مثل الرسوم الموجوده بيها  
کل وکت ثابتین !

توفيق النصّاري
۲۰۱۵/۱۱/۱۶



المدون فلاحيتي


لوحة : تراچي و زعفران


حدر امن الزلف

رگصن..

شراشيب الصفر يَسمر

خدر حدر الضلع گلبي

و شرگ

من شربت خدودك

نبيذك چم سنه مخمر ؟

حدر امن الزلف لمضن !

اريد أحوي بتراچيك

و افــوّرهن

زعفرانك

يسكر الليل من نسهر

الصبح من تشرگ اعيونك

شمسنا بغيم تتدثّر ..

بدر نصّاري



المدون فلاحيتي


هايكوات



( ١)

كيميائيٌّ يمشي
َعَثَرَ فِي الشِّعْرِ
سَقَطَ صُنْع البنزِين مِنْ رَأسه !

( ٢)

عُمْرُهُ  أرْبعونَ عامًا
سألوا سِنّه
قال : أربَعُ عَشَرات !

(٣)
شُيوعيٌّ قَحْمٌ
َنَظرَ  إلى المِنْجلِ
وُلِدَ مِنْ جَدِيْد !

(٤)
رائِحَةُ الكِتاب الجدید
ذِكْرى
فَرحَة قَدِيمَة !

توفيق النصّاري
٢٠١٥/١٢/٢٤

 



المدون فلاحيتي

http://s6.picofile.com/file/8232308434/photo_2015_11_18_19_11_44.jpg

 

غياب/...
ثنائية دريدا
قصيدة أضعتها قبل سنين
حوار الحضارات لايليق بك
كم أحببت المعصية
عندما جعلت مني انسانا

غياب
امرأة ثرثارة
أفضل من دين ثرثار
هي تؤمن بنهديها
هو يؤمن بالنكاح

غياب
يلح علي المجهول
الحقيقة كذبة الكادحين
سأخون ظلي مرتين
مرة في الساعة الرابعة بعد صلاة العصر
مرة في الساعة الثالثة قبل شهوة الفجر

صمت
سأصمت دهرا
هذه المدينة لاتعي خطورة شاعرها
أنا كنت أبحث عن ماتبقى من المجاز
امرأة تعكس المرآة لتراني

صمت
نولد من الماء
و نموت من الماء
لماذا جعلت من الماء كل شي ميت

حضور
كم قنينة من الماء
نحتاج لصلاة الجمعة

 

د.جمال نصّاري



المدون فلاحيتي

http://s6.picofile.com/file/8232308434/photo_2015_11_18_19_11_44.jpg

ومضات مقتبسة من مجموعة " عندما أموت " للدكتور جمال نصّاري.



(١)
 كل جرح فيَّ ينادي شاعراً ...
بعد لحظة رأيتُ شعراء العالم كلهم مجتمعون بي .

(٢)

 خَمَّر التاريخ طينة الأنثى ٢١ قرناً ثم إنتحَر .

(٣)

القُبلة قاموس الحياة
كم هيَ جميلةٌ عندما تمتلكُ وجودي و انا اُصارع اللحظة للبقاء .

(٤)

حريتي في حوارٍ مع الايدلوجية و ظهري تسيل منه الدماء .

(٥)

ولدتُ على ايقاع الحرب و دخانٌ يجلسُ على صدر أبي أفقدني طفولتي و كَبُرَت فيِّ الذاكرة .

(٦)


عندما اموت لا تنظري بوجه المجتمع سيصلبون تاريخك العاطفي بنظرتهم السادية.

(٧)

في الشارع كنتُ أبحثُ عن الوهم فرأيت حقيقة الرغيف تجري في عروقي.

(٨)

ستصلبون على زوايا التاريخ
و ظلّي
فعندئذٍ سيصبح لي حزبٍ
سيكتب على ضمير الغدِ براءة السياسة و نفاق الشاعر .

(٩)

كشّروا عن أنيابكم
فأنا وحدي
لا أنتمي إلى حزبٍ ليسند لي ظهري
فوجودي قلمي
و قلمي مرآتي
فأنتم يا من « حفظتم شيئاً و غابت عنكم اشياء » .

جمال نصّاري



المدون فلاحيتي

. . . " النسيان المركب ! " . . .


أخذ علبة " التشبيه "
من عدته
فذر من محتواها
على ورقته
ثم أرجعها
فأخذ علبة " الإستعاره "
فذر من محتواها
على ورقته
ثم أرجعها
فأخذ علبة " التشخيص "
فذر من محتواها
على ورقته
ثم أرجعها
فأخذ علبة " ... "
فذر من محتواها
على ورقته
ثم أرجعها
لكنه
نسي ، كعادته
أخذ علبة " الملح "
شاعر اليوم !!!

( عادل السكراني )
7 / 1 سنة 2016 الميلادية .



المدون فلاحيتي


البحر البسيط


أنتَ الشقيقُ تَبسّمْ أنتَ رائدُنا
أنت الرفيقُ تَقرّبْ مَن يُباعدُنا ؟

هذا الإخاءُ تجلَّتْ فيهِ عاطفةٌ
مُدْ ساعدَيكَ أخي هذي سواعِدُنا

إنّ المنالَ نَرى الإنسانَ مبتهجاً
بينَ ابتسامتهِ بانَتْ مَقاصدُنا

فالماجداتُ بعزمٍ جئنَ يا وَطني
و أتبعَ العزمَ أضعافاً أماجدُنا

هذي الليالي إنِ ٱشتدَّ الظلامُ بها
فالصبحُ يأتي فتَحويهِ مَشاهدُنا


مصطفى غافلي

هدية لمجموعة "سواعدُ الإخاء" الخيرية



المدون فلاحيتي

 

يا وافي الألّق
رفقا بقلب شّيِّقِ

ما زاغَ
من أَرَقٍ الا على
قلقِ

و ترى الوصل يزاور  
عن كهفه ذات الغياب
و لم يفقِ

و غدا ذابل
كزهرةٍ لا لون لا عبق
 
و طاف الهيام به
في كُل مفترقِ

رفقًا
بمن ذوبته
حبرا على ورق

حنانيك
بعاشق
في بحر عينيك شقي

ف قَطْر الماء
خنجرًا
في قبضة الغرق

لو كان من حجر  
...!
بعض الذي حملته
لَمْ يُطِقِ

و كم غضضت الطرف
عن ماذا
لقّى و لقّي

ياليت تسأله
عما
بَقَّى
و بَقِّ


منصور الحيدري



المدون فلاحيتي

. . . " ماذا أخذنا ؟! " . . .


ماذا  أخذنا  ، عن  هدايات  ( النبي ) ؟!
ذاك ( النبي) ( الهاشمي) ( اليعربي)؟!
ماذا     تعلمنا     ،    خلال    هذه ( ال
أحقاب )، من دروس أخلاق ( النبي ) ؟!
أ تم     ،     إيمان      ،  لنا    ،    بربه
بربه   ،   لما   يتم    ،     لل( عرب ) !
ماذا  رعينا  ،  من   وصايا    ( أحمد  ال
مختار )، لل( مختار ) ، طول  الحقب ؟!
ماذا  حفظنا   ،    من  تعاليم  ( النبي )
من خلقه  العظيم   ،  عند   الغضب* ؟!
قد  قلت :" يا  مذهب  شعري ،  يا  أبي
قل ،  يا أبي  الضيم  ، قل  ، يا  مذهبي
ماذا   تقول    ،    عن    قبائل    الهوى
و  الهوس  الكافر ؟! قل  ، يا  أدبي ! "!
قال    ،    كسيرا"    ،    بلسان    حالنا
هذا     اللسان    اللافصيح    و    الغبي
:" ماذا أخذنا ،  عن تعاليم   ( النبي ) ؟!
ماذا أخذنا ،  عن هدايات ( النبي ) ؟! "!
* عند غضبنا .


( عادل السكراني )
28 / 12 سنة 2015 الميلادية .



المدون فلاحيتي

'' قریحه امْنعِّسه ! ''


---------
ساهر
ردت اسچب إحساسي
و اكتب شعر
ماكاتبته العرب و العجم !
لكن القريحه
 ماخذها النعاس
و تگطر لي الشعر
گطره
گطره
شگّگت الورگه
طفّیت السَّهَّارِي
و انمطلت علی السریر
اتاني النوم
 و  احچي ويّا روحي :
الشعر ال يطلع من قريحه تتثاوب
مايغفا بگلوب الناس !

توفيق النصّاري
٢٠١٥/١١/٥



المدون فلاحيتي

من ورا الشباچ اعاين
ترجف اچتوف العجد ..

الليل هم ناثر جحيله
و ملتوي بعطره الورد

السعف و السدر غافي
و يكسر الخاطر ، بَـرِد

و آنه بيدي القلم دافي
ايروح وي فكري و يرد
 
هاجروا بالحان گاعي
و ما بگت غنوة مجـد

و انا هاي اسنين اصلي
و مَدري يا سورة الحمد !؟

بدر نصاري



المدون فلاحيتي

'' جامة البال ! ''

http://s3.picofile.com/file/8216833742/photo_2015_10_12_14_16_51.jpg


جامة بالي
امْلَثِّگه بالأفکار
أحس جسمي نهلان
و نفسي گوّه تصعد و تنزل
البارحه مسحت الجامه
و  نظّفتها من الأفكار
صرت خفيف
وگلت : '' أُفِّيش ... توّه يالله ارتاحيت ''
 گمت أغنّي
و أطِگّ إصْبِع
لكن الصبح
بس حلّيت باب الحوش
حسّيت الجامه اردود اتلثّگت
ما أدري ياهو لثَّگها
یمکن ضميري حط ايْده عليها !

توفيق النصّاري
٢٠١٥/١٢/٢١



المدون فلاحيتي

"حي علی خير العمل"

امیر صاحب توکلي
كل ما رددتم: " حي على خير العمل "

مات في قلبي الأمل

وإعتراني اليأس و إخضر بأعماقي الکسل

وغدوت أعشق النوم و لا أهوی العمل

لمتی نحن کسالى ضعفاء

قنع نستنشق الذل و نستجدي السماء

ونخاف الموت لا نهوی البقاء

وترانا دائما" نجتر ما قال الإمام

دون فعل و بنا يهدر رعد من جهام

کتب الجهل علينا، فبقينا جهلاء

و غدونا أتقياء

والتقی، بئس التقی ما لم يرافقه الإباء

إقنطوا من رحمة الله فلن يرحمکم من في السماء

إلا إن غيرتم ما حل في أنفسکم دون رجاء

وإتخذتم عقلکم ربا"، وطعتم ربکم دون رياء

وترکتم هز شباك قبور الأولياء

وخرجتم من کهوف الجهل ترجون الضياء

وتسلقتم ضياء العزم للمجد بکد و عناء

عندها يقبل ما تبغون من رب السماء

وتکونون کما کنتم کراما" أنبياء

وتلبون النداء


أمير صاحب توکلي سنة 2013م



المدون فلاحيتي

" عتبه و باب "


إعلىٰ گد روحي

تمشيت ابدرب وكتي و لگيتچ غاد متكتره ابصفنتچ غارگه ايامچ

عتبه و عابرينچ ناس

عتبه و تاركينچ ناس

گعدنه إعلىٰ الجرف ساعات ونتي اعيونچ اويه الروي تصعد للرمل و ترد

يالحزنچ حلم محروگ

يالحچيچ عتب شرقي

تبچيلي شعر موزون و احچيلچ شعر نثري

گتلچ يا بنيّه الناس ماترحم تراچي اثنين

تعاي اوياي نتمشه

بلكي انشوف راحتنه

لاتحچين ويّه الطين مو حتىٰ النهر تعبان مايسمع سوالفنه

تنشديني إعلىٰ روحي اشبيچ ؟

شامرهه الوكت ليغاد ...
 گومي اوياي شوفي ارويحتي امخضره سنابل سود

شوفي العمر صاير عود

چنت هم مثلچ الهم باب كل غبشه يندهوني

ابعدو عنّه و نسونه اهنا اتعذبنه ملامحهم

صار العمر ذبّة عود وخسرنه سوالفهم

سكتنه اثنينّه و ضعنه

ضحكنه اثنينّه و گمنه

نزعنه ادموعنه إعلىٰ الراگ يا گذله و خذاهه الماي

توهه الدنيه شافتنه

چنهه اگلوبنه امن اسنين واحد يعرف الثاني

طلّت كحلتچ بسماي

نكّت اهموم ال بگلبي و تلگّيتچ

وگفت اب طولچ اتعدّل

يأول كاس بيچ اسكر

من تلمس اصابيعچ اصابيعي

 حد آخر عظم بالروح احسّن بيچ هم يخدر

تمشيت ابدرب صدرچ

ضحك رمانچ الأحمر

محمد رسن



المدون فلاحيتي

يا رفيقة السنابل و النخيل

تعبت الملاجئ

اريد وطن اضع فيه حقيبتي

حلمي

قلبي

ابتسامتي....

 

وطن خال من المحطات

لا مطار له

لا سكة له

لا مرفأ

و لا يد ترفع ساعة الوداع

 

وطن له دوار كبير

يرجعني الي اوله

حين يضيعني الطريق

 

فهیمه كعبی



المدون فلاحيتي

وینکم ؟

http://s6.picofile.com/file/8224972226/photo_2015_11_27_10_22_45.jpg

تعبت اعیوني وبعدني ابلیلکم
 
چان فززتولي نجمه

اتلولي ترچیة حچیکم

هلبت اسنیني حلم تغفی وتجیکم

اردود تطّشر محنه

تحضن اخیال الأمس

واترد علیکم ...

هادي السالمي / أبوطه



المدون فلاحيتي

أشم ريحة گرنفل و الدرب عاثور
أدوّر ع الگصيبه ابْهندس الليل

الصبح يشخر و لا من واهس اوْياي
طفا الفانوص بيدي إش ينفع الشيل !

گمت أمشي و أگطّر شعر و إحساس
و تخنگني الهضيمه و تهدم الحيل

خانتني النجوم وداعة النور
و گمت آخذ حذر من لمعة اسْهيل


تگل لي الناس هاجر مثل الطيور
و آنا العن قطار الهجره و الريل !

توفيق النصّاري
٢٠١٥/١٢/١٧



المدون فلاحيتي

یا امی هل تعلمین ما قالوا بلأمس؟
قالوا لغتك فتنة
ممارستها شغب ..
و توارثها مؤامرة....

کم خطرة انتِ یا امی
عندما تحولین بیتنا لقاعدة إرهاب..

فهیمة الکعبي



المدون فلاحيتي

. . . « البنا الوحيد ! » . . .

 

الكل يگول :« اريد ابني ( الفلاحيه )!»!

الكل يگول :« نيتي ال صافيه النيه !»!

 

الكل يگول :« مو غيري ال يود يبني!

آنا محضر له(ا)ذا الأمر لبني!

آنا ال لازم ابني بها اللبن لإبني

و لإبن الغير بنيان المثاليه!

 

آنا ال يود يبني البلد مو غيري!

غيري يريد يهدم سيرتي و سيري!

غيري يريد بالشر يلتهم خيري!

و يعدم كل مشاريعي الحماسيه!

 

إي آنا الوحيد ال هامه البنيان

و يهم صدگ بالإعمار و العمران!

يا اصحاب الحلال اصحابكم حرمان!

باگوا بالسمات اموال ظهريه!

 

باگوا بالمناصب بالكراسي اموال!

و يبوگون بعد و بعد و بكل حال!

شوفوا قصورهم ذيچ ال على(ا) الموال

تتمايل مثلهم سكر ليليه!

 

شوفوهم اش لون بظل هوى(ا) يعيشون

و يطشون للخيرات و يطيشون!

راشوا خيركم يا اخيار و يريشون

و انتم ما يهمكم ميه بالميه!

 

إنتم كلكم بظل الجهل غافين!

و بشط ال خبطكم بالدغش صافين!

لافين لمنايا نفوسكم لافين

و تموتون بالمرات يوميه!

يا اموات ( الفلاحيه ) ( المسيح ) آنا!

أحييكم بإذن ربي ال عظم شانه!

إي آنا الوحيد ال صدگ بنيانه!

إي آنا ال صدگ يبني ( الفلاحيه )!»!

 

( عادل السكراني )

١٢ / ٥/ سنة ٢٠١٤ الميلادية .

* راشوا : جمعوا ، يريشون : يجمعون .

 


المدون فلاحيتي

'' اهْدوم الزِّغر ''

http://s3.picofile.com/file/8216833742/photo_2015_10_12_14_16_51.jpg


- : هاي المخَدَّه
وايد عزيزه عندك
شِنهو ضام ابْداخلْها ؟
افْلوسْ
عَلَم
صورة حبيبه !
إفتحها
- : لا
أرجوكم
بيها اهْدوم زِغْرِي
أخاف ايْطلْعن اسْنين الطفوله
و يباوْعن ابْوجهي
و مايْعرفنّي !
أخاف ايْشردن !
اُمّي حابْستهن ابْهاي المُخَدّه !

توفيق النصّاري
٢٠١٥/١١/١٣



المدون فلاحيتي

ﺍﻟﻠﻪ ﻭﻳﻦ!!!

ﺍﻟﻠﻪ ﻭﺍﺩﻡ ﻛﻠﻬﻪ ﺧﻴﺮ
ﺍﻟﻠﻪ ﻋﺶ ﺍﺑﻌﻴﻦ ﻃﻴﺮ
ﺍﻟﻠﻪ ﺗﻠﮕﺎ ﻛﻞ ﻣﻜﺎﻥ
ﺍﻟﻠﻪ ﻟﻠﺨﺎﺋﻒ ‏( ﺍﻣﺎﻥ‏)
ﺍﻟﻠﻪ ﻫﺪﻡ ﺍﻟﻴﺴﺘﺮ ﺍﺑﺠﺴﻢ ﺍﻟﻴﺘﻴﻢ
ﻭﺍﻟﻠﻪ ﮔﺬﻟﻪ ﺍﻟﺘﻠﻌﺐ ﺍﺑﺠﻴﺖ ﺍﻟﻨﺴﻴﻢ
ﺍﻟﻠﻪ ﻭﺭﺩﻩ ﺍﺑﺄﻳﺪ ﻃﻔﻠﻪ ﺍﺗﺒﻴﻊ ﺑﻴﻬﻪ ﺍﻋﻠﻰ ﺍﻟﺮﺻﻴﻒ !
ﻭﺭﺩﻩ ﺯﺍﺋﺪ ﭼﻢ ﻓﻠﺲ ﻳﻌﻨﻲ ﺭﻏﻴﻒ !
ﻭﻛﻠﻬﻪ ﻫﺎﻱ ﻭ ﺟﺎﻱ ﺗﻨﺸﺪ ﺍﻟﻠﻪ ﻭﻳﻦ
ﻭﻫﻮﻩ ﻧﻔﺴﻪ ﺍﻧﻄﺎﻙ ﻋﻴﻦ
ﻭﮐﻠﻬﻪ ﻫﺎﻱ ﻭﺟﺎﻱ ﺗﻌﺰﻑ ﻋﻞ ﺣﺮﺍﻡ
ﻭﻛﻔّﺮﺕ ﺩﻳﻦ ﺍﻟﺤﻤﺎﻡ
ﻭﺟﺎﻱ ﺗﺮﺳﻢ ﺍﻟﻠﻪ ﻧﺎﺭ
ﻭ ﻣﺎﻫﻮ ﻣﻦ ﺧﻠﻘﻪ ﺍﻟﺴﻼﻡ
ﭼﺘﻒ ﺍﻳﺪﻙ ﺧﻠﻲ ﺗﺮﺑﻪ ﻭﺍﺳﺠﺪ ﺍﻟﻮﺟﻪ ﺍﻟﺼﻠﻴﺐ !
ﺧﻠﻬﻪ ﻟﻠﻪ ﻭ ‌ ﻣﺎﻫﻮ ﻟﺒﻨﺎﺩﻡ ﺻﻼﺗﮏ
ﺍﻟﻠﻪ ﻳﻔﻬﻢ ﻛﻞ ﻛﻼﻣﻚ
ﻭﺣﺘﻰ ﺗﺤﻠﻪ ﺍﺑﻌﻴﻦ ﺭﺑﻚ
ﺧﻠﻲ ﺍﻋﻤﺎﻟﻚ ﺣﻼﺗﻚ
ﺩﻧﻴﻪ ﻫﻴّﻪ ﻭ ﻣﺤﻀﺮ ﺍﻟﻠﻪ
ﺍﺳﺘﺤﻲ ﻭ ﻻ ﺗﺮﺗﻜﺐ ﺫﻧﺐ ﺍﻟﻴﻔﺸﻠﻚ
ﺍﻟﻠﻪ ﺭﺍﺡ ﺍﻳﺤﺎﺳﺒﻚ ﮔﺪ ﻣﺴﺘﺤﺎﻙ


ﻣﺮﺗﻀﻰ ﺻﺎﺩﻕ ﺍﻟﺰﺭﮔﺎﻧﻲ



المدون فلاحيتي

اببساطتنه

علی المامن و لا کلشی
گعدنه ابغرفة الموال و التمینه لمت هیل
مشطنه قصایدنه وطشیناهن اعله اللیل
قنادیل و اکید الظلمه تکرهنه
منایر من ثلج برواحنه و لشمس اذنه
تعب الدنیه بینه تشوف بس نضحک و لاچنه
ورا کل سالفه البینه سوالف ناس
وتراب و عطش نهران
ورا کل چلمه بینه انسان
مدری اشبینه مانرتاح اذا نرتاح
ولو بینه گفل معیوب، نرسم عالسمه مفتاح
ضیم الناس جمره ابعب ضمایرنه
تحملنه حچی وادم فکرهه اگواش و اتذمنه
دفنه حروفنه ابگیعان عطشانه اعله حفنة نور
و سنابل ضوه خضرنه
المو فلاح مایدری اشنرید نگول
الما عاشر غصن زیتون یفهم بس حچی العاگول

سيد سعيد شريفي



المدون فلاحيتي

قصيدة : سيد الاحرار

سيدي يالصرت سيد كل شهيد
و ياالإبائه الأصبحت عنوانها
بعد عالوصفوك شأتعلي' و أزيد !
و يگصر الأشعار دوك لسانها
انت بس طه ال عرف قدرك اكيد
يامن سبطه و يامن سيد اجنانها ( جنانها )
طه منك گال بس انت الوحيد
و شعظم هاي الشهاده
و شانها
و انت من طه و ابن طه
الحفيد
و انت ابن سيد إنسها
و جانها
انت هيهات الشرف عنك
يحيد
يامن صمبة هاشم
و عدنانها
و لا يگول الگال هل ظل من مزید
توه امجادك بدت بنيانها
حيث بنيانك مهي گبة حديد
نعم بنيانك صعد لعنانها
سيدي شأوزن مقامك من جديد !
يا ال مقامك حط جميع
اوزانها
سيدي الوصفوك من مثلي العديد
و ما لمس وجه الارض نيشانها
انت مصباح الهدي يوم الوعيد
و يا فلك منجاتها بطوفانها
انت نهجك نهج قرآنه المجيد
و الينكرك يكفر بقرآنها
سيدي الوالاك هنياله
و سعيد
و ربح جنتها و حظي' بولدانها
انت حرها و يا أبي الضيم الفريد
ال ما هبط راسك لأمر سلطانها
سيد الأحرار فالتخسي' العبيد
و هالطمرها العار  عد خذلانها
انت يليلها و أسد حدها العقيد
ال منك تفر رعب كل شجعانها
انت برق مهندك يفجر رعيد
و رجف الجيمات و اطرش ذانها
انت ضرب مهندك يحصد حصيد
و گنطر أصيدها و أشد فرسانها
انت عاصفها ال عصف ريحه الشديد
ال خسف عاليها و نسف أركانها
خاب ظنه ال ظن قتل شخصك يزيد
و هاك حي انت بجميع أوطانها
و الصحيح انت قتلت ذاك العنيد
و يا العار لكل بني سفيانها
يهو مثلك خلد گلي بكل صعيد ؟!
وين قيصرها و ملك ساسانها !؟
وين لسكندر القايد
و المكيد !؟
و وين عزتها و مجد رومانها !؟
وين چنگیز  ال غزي'
و دم روي' البيد !؟
و وين فرعون البلغ طغيانها !؟
وين شو سفاحها و بعده الوليد !؟
و وينها الضمرت
بني مروانها !؟
و وين عصره الذهب هارون الرشيد !؟
و كل بني العباس و ايضا
اعوانها !؟
ال كل من التاريخ تم ممحي و طريد
و حتي إلهم ضيعت تربانها
و دام إسمك سيدي بمجده العهيد
و تاج مجدك حط طبگ تيجانها
سيدي الحق دوم يبگالك عضيد
و نهضتك حق عد جميع اديانها
سيدي ال ضل ريت منك يستفيد
و خابت الأشرار وي سعيانها
سيدي لإسمك حلا و طاب النشيد
تردده الأجيال طول
ازمانها
و ظل صدي' الكون بفخر لأجله يعيد
و ينسمع صوته برحاب اكوانها
سيدي حبك ملك حبل الوريد
و إلك روحي الفدا
و دم شريانها .


للشاعرمهدي الملا فاضل السكراني .
العاشر من محرم عام 1437 ه . ق الموافق
1394/08/02
ه . ش



المدون فلاحيتي

الشاعر منصور مكلف الحيدري

يا
رقة الوُرْد
و أَناقة الزهر
 
يا
غنوة خضراء
غنَّاها الشجر

يا
صفاء الفيروز
في أبهى صور

يا زرقة
تعدل مزاج
الشمس في حضن البحر

يا بــخورًا  شاذليًا
فاح  من ثوب
 السَّحر

يا لقاء  
على بال الأمنيات
ما خطر


أسمعي
من عاشق نام
بعينيه  السهر

تجاهلي
معشوق
أهل البادية و سكان الحضر

في الليلة
البيضاء لا تُمعني فيه
النظر   

سيرتبك خجلًا
 سيمسي في كدر
 
لأنه مُنذ الأزل
يعمل على  
تقليدكِ هذا القمر


منصور الحيدري



المدون فلاحيتي

سحابة وصال لاتمطر
وصمود يترنح.
أخائفة من خوفي
في مقبرة ألحياة؟
وشكي يحبس أليقين
خلف قضبان ألعبور..
يامناضلة ضد رجولتي..
أيستحق سحقي
كل هذا ألعناء...؟
لاعلم لي بباقي ابناء جلدتي..
فزجاج كياني قابل لكسر
و وجودي لا وجودله..
لا ..
لاادري بماذا كنت قدأحطم نفسي...

لولم تكوني؟"!

سعیدغاوی نصاری



المدون فلاحيتي

نام لیلي..

http://s6.picofile.com/file/8224972226/photo_2015_11_27_10_22_45.jpg

والشبابیچ الّي مافزت بعدهي ،

روح متروسه اغاني

روح متروسه دفاتر

روح مطفیه وراهن

وین أودي اعیوني حتی

اتشوف غیرك !

یانهر یرضالي بي اغسل هواك

یامحطه ال الك ماتاخذني منك
کون اکسّر کل مشوفه

اگبالها ، گلت انا احبك ....


هادي السالمي / أبوطه



المدون فلاحيتي

رماح      فراگ   من*    دماي*      تنهل
غدت   و  اعضاي  بعد  و  بعد      تنهل !
أهلتكم     متى(ا)      يا   شهم       تنهل
و  تشع  بربوعنا  ، الشمس     المضيه ؟!
* بتشديد النون . بسكون الدال .

يا  خلي  و  حگ   " ابو فاضل "     و ادينه
و ابوه" المرتضى(ا)"و " ط(ا)ه(ا)" و دينه
ما  رغنا      عن     الصاحب          و ادينا
شروط     ال  عجدوا    الغيره     بحميه !

البل  ما  شالت   همومي   ،      و الجبال
و لا ظل  حيل  الي  و   قوه     و الي بال
چیف   اهجع   یا  ها  الوادم     و الي بال
طفوف ، " حسين " ظل فوگ    الوطیه ؟!

یا   " سید "  و  حگ   والدکم      و جدکم
مشکل      فخر      بالعالم  ،      وجدکم
إنتو   ،   ال   راح   يرجاكم    ،     وجدكم
كرام    و  دوم   اهل   نخوه   و      حميه

تدري اش كون فعلن  كتب    " جبران "*؟
لكسر   ضلوع   صدر   الجهل ،    جبران !
لكل   عاقل    ذكي    حساس  ،     جبران
و  اشكرك  يا  ال  بعثت   الكتب     لي(ه)
* " جبران خليل جبران " .

الفگر لف ذل على(ا)  راسه    و لف لاس
الغني  و عند  الغني ، القوه     و الفلاس
البرد  و   الصوم  ، ليشنا*  ،    و الإفلاس
ملش    ريشاتنا    ال   چانت      قویه !!!
* بتشدید الياء .

يا دهري ، يفوخ  چي ،  گلبک    من تسیل
چبدتي  و  دم  دمع  عيني    من تسيل ؟!
تحط    سبعين   الم   بي(ه)     من تسيل
مواضي      فراگ    خلاني ،    علي(ه) !

ون  ثكلى(ا)   أون  ، ما أون      ون صاب
و چواین  گمت  احط  بالسلف ،   و انصاب
بإبني   ،   ما   دريت    انفجع    و انصاب
انصبت بإبني  و  وگع  بیتي     علي(ه) !

عطر روضي ، بحياتي  ،    و انت(ه) ريا*
و  چنت  منهل   لعطشي    و انت(ه) ريه
نظن         چنا*        تجینا        و نترجا
عرسک ، حیف  بس  ما  حصل    لي(ه) !


* الياء ( الجيم ) في لفظ الجناس مشددة .
بتشديد النون .


( الملا فاضل السكراني )



المدون فلاحيتي

. . . " کي أكون ( عادلا" ) ! " . . .


بين يدي* ميزان
في كفة من كفتيه
شعبي
و في كفته الأخرى
حبيبتي
و كي أكون ( عادلا" )
يريد شعبي مني
نفي حبيبتي !
و تريد حبيبتي مني
نفي شعبي !
* بتشديد الياء الثانية .


( عادل السكراني )
28 / 11 سنة 2015 الميلادية .



المدون فلاحيتي

گمرة شعر


لا تضیج ..

الليله گمره و واهس الشاعر غميج ...والقلم وکّح اعیونه وباس دفترنه العتيج

الليله گمره و چنها لبست ثوب فرحه... و چنها مشتریه النهار و امل صبحه ...

و چنها منک خذت نور وگامت اترش بالطریج...

اللیله ما تنزل مدامع .. اللیله بس احلام خضره اتعیش بحضان الشوارع..

 اللیله صوتک عایش ابگلب المسامع وماکو احّد غيري سامع ...

لا تضیج ..

الليل یسترنه ابعباته... و الگمر یدعیلنا ابدعوة صلاته .. لا تضیج ..

ابهيده لا تکسر مجاریف السفینه.. ابهيده یا بحر الخليج ..آنه لوحي امنالعتيج  .

ابهيده گل امواجک اتراعي اليجيها ولا تهيج ..

ادري ضايج  بس اگلک لا تضیج...

 لا تضیج ..

باچر ايصير الصبح... والشموع اللي شعلناهن تموت ..

وباچر المسجون یطلع و ما یظل ابطن حوت ... ..

وباچر اورود الحديقه ایفوح من عدها الاریج ...

لا تضیج  ...

سید حسن الشریفي



المدون فلاحيتي

'' تِريد الناس ! ''

تِرِيد الناس
تِحبس بُلبُل إحساسي ابْگفص تقليد
و تحرمه ابْكل وكاحه
امْن العِشِگ و الرطب و التغريد !
و تگیّد رایده إبداعي
و تِسحّه ال محكمتها الظالمه
و تحكم علي تبعيد
و تريد بكل جهل ألهث ورا التأييد
و لكن آنا گايل :
نفخه ماتگدر تسكّت شمعة التجديد !

توفيق النصّاري
٢٠١٥/١١/١٤



المدون فلاحيتي

حزن بداخلي كالنار يحرقني
وشوق كوى جميع احشائي

ليل يرينى البﻻء بهجركم
ولم اعرف من قبل اي بﻻء

لمن اللجوء و قد انشبت
اضفارها المنون لفنائي

ﻻ خل يضمني كي استرح
وﻻ حبيب يزيح بعض عنائي

ألم بداخلي لايكاد يفارقني
وشجن يملي كأس ندمائي

انعي سروري وايام افراحي
واشفي صدري بنحيب وبكاء

اهمس حيث لا صوت لي
و همس  صار كل ندائي

فما حنت تلك القلوب لحالي
و قد كانت  كصخرة صماء

حسين مقدم



المدون فلاحيتي

بي(ه) اش  گد  یا  بگ   الشوم   حجمیت
و ما اظن ال عاشرك ينحسب حي، ميت !
عن    ال  حدر   المكيف   غفوا    حجميت
و   بگیت  تغیر     بسلاحك      علي(ه) !

" سلمى(ا)" ال بالتقى(ا) شوگي حج الها
اش حد   واحد  بمس   دنس*    حجلها* !
حارس      خدر    عفتها      حيى(ا) الها*
بحراسه     ال   دونها    تهون     المنيه !
بتشديد النون . حجل رجلها أو ربما ( حيا ) أي خجل ( الها ) . أحيا الليل لها .

الگلب   ما حج    لبیت   الله      حج الها !
لساني    بشوگ   ود   زاچي    حي الها*
بالي   بمرصده    العالي     حيى(ا) الها*
ينطر   بيت " سلمى(ا) "  ال  ثخن   فيه !
* حيى : قدم التحية . أحيا الليل .

ل" سلمى(ا)" افخر خدر و اكبر حي الها*
و  خفر  ما غمضت   عينه    حيى(ا) الها !
الصقيع*    ال  يظهر    بمكره     حيا لها*
يخسا*      بسباع      منطوره      الثنيه !
* ربما كانت حي بمعنى السكن أو حيا بمعنى الخجل . ربما كانت بمعنى الصقع ( الغائب البعيد ) أو بمعنى الصاقع ( الكذاب ) . حيا ( خجل ) لها أو حيل ( جمع حيلة ) + ها ( الضمير العائد لأصحاب الحيل المحذوفة ) . بسكون الياء و فتح الخاء .

و حگ عگرب صدغ " سلمى(ا) "  و حيية*
شعرها ، شعورها    شكرته*    و حييت*
بحبها    و    عنزت*    حيها       و حييت*
أحرسه     بعزم    و    بشيمه      عربيه*
الياء الأولى في الجناس مشددة . بسكون الشين . بتشديد النون . بسكون العين و ضم الراء .

سألت  الله  بدعائي  لخدر   " سلمى(ا) "
و گلت :" من شر دنس کل بشر سلمه !"!
یا ملا  ارجوک   ه(ا)ذا   الطرس      سلمه
إلها     و      بإحترام      ابد(ي)    التحيه


( الملا فاضل السكراني )



المدون فلاحيتي

كان

الشاعر منصور مكلف الحيدري


أمرًا  رائِقًا ثُم اسْتَحالا
بعد إذ عَكِرَت ما كان زلالا
 
ألا يا انت
هـل تـدري لما ... نقص
ما كان بالأمس إكتمالا

و أَضْمَرُ
لهفتي في عمق روحي
و يُفشي سِّرّها دمعي اِهْتِلاَلا

و تُسْقِيني
بحجم الصد   ودًا
و تلقيني على الشّكِ إحتمالا

من الأشواق
ما حصنتُ نفسي
و اِنهَكّ َ" ممكني " درّب المحالا

و يأتِ  
الحزن من وجعي المقفى
و في صدري المواجيد إشتعالا

و جمر التوق
يزداد إتقادًا
و تاه في  تجافيك الوصالا

و بعض
حيرتي فيك إِمتَعَاضَ
و كُل وَلَهي  فيّك  إِعْتِلالا

يدور
حولك الشِعر أغنيات
و يئن داخلي الحزن ارتجالا

وكُل أشيائي تُنَادَيك  تَعَالَ
ويصَدَحَ  كُل ما فيك "لا لا"

بعينٍ  تَطَلِبْ  التَّحْرِيرِ  مني
و تَطَلِبْ عينك الاخرى احْتِلاَلا

٠٠٠٠٠٠
من الارشيف القديم
منصور الحيدري



المدون فلاحيتي

اتظنيني
رجل منفتح
قدقرأ لدورانت
وشكسبير
وعاش غارق
بلسجايروألنبيذ
تصفح دواوين نزار
وأصبح ملحد
لتقولي
قف!
فأنا آية قد
نساها
جبرئيل
لا...فمازلت شرقي
فاشي
متحجرمتعصب
عربي
لايلين
غاضب متشدد
لايعطي ألمرأة
الا ما يريد
فأكوذبة المساواة
نكتة لم.تضحكني
حتي في طفولتي..
أنت انثي
شئت
أم أبيت

أنت قارورة
ستكسرين...
لو احتطمنامعا"
وأنا فارس
يصول بليلك
ونهارك...
هل تظنين الهوي
ضعفي
والكأس يلوي يدي
فملحك..لن يزيدجرحي
الا جرحا..
تمهلي ...
صمتك...وصخبك
عندي سواء...
فكلاهما
لايعنيان لي
ألرضا...ثوري
لوشئت
فأنا لا يوجدفي شامي ومصري
ربيع عربي....


سعيدغاوي نصاري

2015

 



المدون فلاحيتي

ظلال...

نمثل دورظلالنا
فی مسرح
خال من المتفرجین...
فهم انفسهم
مشغولون بلتمثیل...

فکاهة هزلية حياتنا...
نتصافح مع بعضنا
وظلالنا تتقاتل..
 نستبیح النساء
في المضاجع
وتصفق لهن في المسارح
ظلالنا تغتال الحرية
في الزنازین
وتهتف لها فی
الساحات...
ظلال.....
ایها الخامدون
تحت انقاذنا
قولوا لنا
ما ترونه هناک...
قولوا  کم الشمس
منیرة مستدیرة هناك...
قولوا  ماذا یفعلن کل تلک الحواری
بکل هؤلاء الولدان المخلدون من الشیشان

ظلال...
کلها ظلال...
ولن یغفرالرب لکم
ان ظننتم
انها ضلال....

سعیدغاوی نصاری



المدون فلاحيتي

في ذاكرة الأَ رْ ز

الشاعر منصور مكلف الحيدري

ذاك الذي تساقط بعضه
 فوق المساف
هو ذا
المتأبط كتابا أسود الغلاف

شاعِرٌ و أحلامه سنابل
تهشمت على أضراس
بقرات عِجاف
 
لا نجم معلق
في السماء يدله
و لا خليج يلم أشرعته الهَوَاف

مُدجَنون
لم يسمعوا " ياء" المناد
 صَم و يمشون الهويني
كالخراف

حين اطمئنوا
شوهوا كُل بوصلة
لا تُشير إلى وَلِيُّ العُلُوفة
سماحة العَلاَّف

رعيل من الخصيان
يغَضُّ الطَرْف عجزًا
و يتبجِّح بالحياء و العفاف

أمِيطُ عن خوفي لثام
سطوته فكُل خَوَّار هنا
يلقي الوصايا كي نخاف
 
أأغَمَسُ رأسي في الرمال ..؟
و (التّنْصيص ) يخنقني وفي خافقي
اِخْتِلاَجَة تُمزق الشغاف

فلا الوعي ينبغي له
أن يدرك الحقِيقية
فإنها مَعْصِيَة و قولها إقتراف
 
 الطعن
جَرَادٌ فوق المقاماتِ يطَوِّف
و الزيف
غُرَابٌ في القناعاتِ طَوَّاف

و الرُؤى تَسأَلُ مَدَاها
بَعَّضَ عطَفٍ
وَلَهَا أن تَجَزِع الرُّوح انْعِطاف

وهُدهُدُ   نُبُوءتي
 لم يجد  في ذاكرة الأَ رْ ز
  آثارًا لتسابيح القِطَاف

ليس هناك رغبة غير البكاء
و لَيْسَ للحَزْن اكْتِفَاء
و لَيْس للدَّمْعِ كِفَاف

فبَعد إن جَفَّ و تَاه
الغَيْمِ عَنْه لا تَلُمْ
الزرَع اذ يشكو الجَفَاف

 

منصور الحيىدري



المدون فلاحيتي

 

ﻋﺎﺋﺪﺓ ﻣﻦ ﺍﻧﻜﺴﺎﺭ ﺭﻭﺣﻲ
ﺗﺤﺎﺻﺮﻧﻲ ﻃﻼﻭﺓ ﺃﺣﺎﺩﻳﺜﻚ ﺍﻟﻮﺭﺩﻳﺔ
ﺩﻉ ﺟﻨﻮﻧﯽ ﻭ ﺣﺒﻲ ﺗﻤﻀﻴﺎﻥ ﻓﻲ ﺩﻭﺭﺓ ﺗﻔﺎﺻﻴﻠﻚ ﺍﻟﻤﺪﻫﺸﺔ
ﻗﺎﺩﻣﺔ ﻗﺼﺎﺋﺪﻱ ﺑﺄﺟﺰﺍﺀ ﻣﻨﻲ ﻭ ﻣﻨﻚ
ﺍﻟﻰ ﺛﻨﺎﻳﺎ ﻋﻴﻴﻨﻴﻚ
ﺗﻤﺘﻄﻲ ﺳﻄﻮﺭ ﺃﻭﺭﺍﻗﻲ ﺍﻟﻌﺎﺷﻘﺔ
ﺑﻬﻮﺍﺟﺲ ﺍﻟﺘﻲ ﺗﺨﺘﺒﺊ ﻓﻲ ﺃﺣﻼﻣﻲ ﺍﻟﻤﺎﺭﻗﺔ
ﺗﺸﺮﺑﻨﻲ ﻛﺎﻟﻨﺨﺐ ﺍﻷﺧﻴﺮ ..
ﺗﻬﺪﻫﺪﻧﻲ ﻛﻄﻔﻠﺔ ﻭﺗﻘﺮﺃﻧﻲ ﻓﻲ ﻛﻞ ﺣﺮﻑ
ﺍﺗﻐﺎﻓﻞ ﺍﻟﻤﻜﺎﻥ ﻭﺍﻟﺰﻣﺎﻥ .. ﻭ ﺃﺗﺤﺪﺙ ﺑﺄﺑﺠﺪﻳﺔ ﺍﻟﻌﺼﺎﻓﻴﺮ
ﺣﺮﺍﺱ ﺣﻠﻤﻲ ﺃﺿﺎﻋﻮﺍ ﻣﻔﺎﺗﻴﺢ ﺍﻟﻀﻮﺀ ..
ﺳﺄﺑﻨﻲ ﻟﻚ ﻣﻦ ﺷﻤﺴﻲ ﻭﺃﻣﻄﺎﺭ ﻋﻴﻮﻧﻲ ﻣﺪﻳﻨﺔ ﻓﺎﺿﻠﺔ .. ﺗُﺮﺑﻜﻬﺎ ﺍﺑﺘﺴﺎﻣﺘﻚ ﺍﻟﺒﺮﻳﺌﺔ ..
ﺳﻼﻡ ﻣﻦ ﻗﻠﺒﻲ ﻳﻜﻔﻴﻚ ﺣﺘﻰ ﻧﻄﻮﻱ ﻣﻌﺎ ﻛﻞ ﺍﻵﻣﺎﻝ ﻓﻲ ﺍﻟﻮﺍﺩﻱ ﺍﻟﺴﺤﻴﻖ ...
ﺇﻧﻲ ﻳﺎ ﻭﻟﺪﻱ ﻭﻫﺒﺖ ﻟﻚ ﻏﻴﺜﻲ ﺍﻟﺬﻱ ﻟﻢ ﺗﺼﺎﻟﺤﻪ ﺍﻟﻔﺼﻮﻝ
ﻭ ﻳﻤﻀﻲ ﺑﺘﻌﺎﺑﻴﺮﻩ
ﺍﻟﺬﻫﻮﻝ .....



ﻫﻨﺎﺀ ﻣﻬﺘﺎﺏ



المدون فلاحيتي